Düzgün təşkil olunan tədrisdə şagirdlərin asudə vaxtlarının dəyərləndirilməsi xüsusi əhəmiyyətə malikdir. Liseyimizdə şagirdlər üçün təşkil olunan ekskursiyalar, müxtəlif tipli kamplar, pikniklər, səhər yeməkləri, gəzintilər, marafonlar, aksiyalar, festivallar, xeyriyyə yarmarkaları, sərgilər və s. kimi məktəblilərin sosial həyatında mühüm rol oynayan tədbirlər təşkil olunur. 

Adları çəkilən tədbirlər şagirdlərin yaddaşında ömürlük yer alır. Bunlar uşaqlara unudulmaz təəssüratlar bəxş etməyin ən gözəl üsulu, təhsil prosesinin isə vacib hissəsidir. Liseyimizin gəzintiləri uşaqların dünyagörüşünü genişləndirməklə yanaşı, müstəqil olmağı, ən əsası, başqa kollektivlərlə ünsiyyət qurmağı, cəmiyyətə adaptasiyanı öyrədir. Bu cür tədbirlərin təşkili şagirdlərin hətta heç vaxt dərsliklərdə eşitmədiyi yerlərlə tanışlığıdır.

İdrak Liseyində sosial fəaliyyətlərlə yanaşı, həmçinin, buraxılış imtahanı verən və məzun olacaq şagirdlərlə motivasiya ruhlu görüşlər təşkil olunur.