İdrak Liseyində şagirdlərin müxtəlif olimpiadalarda, müsabiqələrdə, elmi konfranslarda iştirakına böyük önəm verilir. Təsadüfi deyil ki Liseyimizdə fəaliyyət göstərən Olimpiada Mərkəzi şagirdlərin yerli və  beynəlxalq fənn olimpiadalarında, respublika səviyyəsində keçirilən layihələrdə, həmçinin beynəlxalq layihələrdə iştirakına böyük tövhə verir. Şagirdlərimiz İMEC riyaziyyat olimpiadası, FİSO riyaziyyat olimpiadası, Kopernik riyaziyyat olimpiadası, Kenquru riyaziyyat müsabiqəsi, SASMO riyaziyyat olimpiadası, Amerika riyaziyyat olimpiadası, Lütfizadə adına məntiq olimpiadası, Respublika Fənn Olimpiadası (riyaziyyat, azərbaycan dili və ədəbiyyat), Respublika Fənn müsabiqəsində (riyaziyyat) iştirak edirlər. İdrak Liseyində şagirdlərin idmanla fəal məşğul olmağı üçün hər cür şərait yaradılıb. Bunun nəticəsidir ki, onlar Azərbaycanı beynəlxalq yarışlarda da layiqincə təmsil edirlər. Şagirdlərimiz karate, güləş, üzgüçülük, şahmat, bədii gimnastika və s. kimi idman növlərində yüksək nəticələr əldə ediblər.

Liseyin İnnovativ Təhsil Texnologiyalar departamenti XXI əsr bacarıqlarını –müxtəlif proqramlaşdırma dillərini tətbiq etməklə müasir İKT avadanlıqlarından istifadə edə bilmə qabiliyyətlərini yüksəltməkdədir. Şagirdlərimiz STEAM- Robototexnika sahələri üzrə lego yarışlarında, Arduino ilə proqramlaşdırma, elektronika-proqramlaşdırma İVR-Virtual reallıq texnologiyaları ilə bağlı keçirilən yerli və beynəlxalq layihələrdə ölkəmizi təmsil edir, yüksək nailiyyətlər əldə edirlər.

Liseyimizdə ənənəvi olaraq “Xəmsə”, “Brain Rinq” kimi bir çox intellektual yarışlar da keçirilir. Xüsusi olaraq məzunlarımızın uğurlarını bildirmək istərdik. İdrak Liseyi hər il qəbul imtahanlarında 100% nəticə göstərən yeganə liseydir. Məzunlarımızın bir qismi yüksək bal toplayaraq ölkəmizin universitetlərində təhsil alır, digər qismi isə xarici ölkələrin ən qabaqcıl universitetlərində təhsillərini davam etdirirlər.