Qafqaz regionunda ilk!

İdrak liseyi Beynəlxalq Bakalavr Təşkilatının irəli sürdüyü dünyanı əhatə edən layihə – Ümid Festivalında!

Ümid Festivalının məqsədi gənc nəslin yerli və dünyəvi qlobal problemlərinin həlli yollarının tapılmasına cəlb olunmasıdır. Məqsədin həyata keçirilməsi üçün liseyimizin PYP və DP şagirdləri bu festivalda iştirak ediblər. Vurğulamaq yerinə düşər ki, Ümid Festivalında Qafqazda ilk dəfə PYP şagirdlərinin iştirakı liseyimiz tərəfindən təşkil olunub. Festival İdrak liseyinin təsisçisi, professor, pedoqoji elmlər doktoru Mönsüm Alışovun nitqi ilə başlayıb. Bildirilib ki, lisey hər zaman ümid dolu layihələrə imza atıb: təbii fəlakətlərdən əziyyət çəkən insanlara yardımlar edilib, qayğı və sığınacaq evləri, həmçinin, müxtəlif yardım kampaniyaları diqqətdə saxlanılıb və bu istiqamətdə layiqli addımlar atılıb. Qonaqlar və iştirakçılar tədbirin sonunda Birləşmiş Millətlər Təşkilatının Dayanıqlı İnkişaf Məqsədləri Proqramına uyğun müxtəlif layihələrin nümayiş olunduğu sərgiylə tanış olublar.

Biz dünya üçün Ümid etmədik, həm də addımlar atdıq, hərəkətə keçdik!
İdrak liseyi olaraq dünyanı əhatə edən bu beynəlxalq layihənin – Ümid Festivalının bir parçası olmaqdan qürur duyuruq!