Azərbaycan Respublikası Prezidentinin 2022-ci il 28 noyabr tarixli Sərəncamı ilə təsdiq edilmiş Azərbaycan Respublikasında 2023-cü ilin “Heydər Əliyev İli” elan edilməsi ilə bağlı tədbirlər planına əsasən İdrak Liseyində “Böyük Azərbaycanlı” kitabına həsr olunmuş tədbir keçirilib. Kitabda Ulu Öndərin şanlı həyat yolu real tarixi hadisələr əsasında işıqlandırılmışdır. Kitabdakı hekayələr bütün ömrünü sevdiyi xalqına, onun müstəqilliyinə, dövlətçiliyinə həsr edən, xalqın sevgisi və məhəbbəti ilə ucalan şəxsiyyət – Heydər Əliyevə həsr olunub. Şagirdlərimiz hekayələr vasitəsilə Ulu Öndərin mənalı həyat yolu və zəngin irsi ilə yaxından tanış olublar. Onlar hekayələri səhnələşdirib, həm də öz aktyorluq məharətlərini göstəriblər. Daha sonra birlikdə “Heydər babamızın nəvələriyik”, “Sən elə bir zirvəsən” mahnılarını ifa ediblər.

Tədbirə Əməkdar Mədəniyyət İşçisi, Firudin bəy Köçərli adına Respublika Uşaq kitabxanasının elmi işlər üzrə direktor müavini, ələlxüsus “Böyük Azərbaycanlı kitabının müəllifi Dadaşova Zahirə, həmin kitabxananın kütləvi işlər şöbəsinin müdiri Leyla İbrahimova və kitabın redaktoru Aidə Cahangirova, dəvət olunub.

Sonda müəllif şagirdlərin suallarını cavablayıb və öz dəyərli fikirlərini onlarla bölüşüb.